 Tux, penguin, maskot Linux |
|
| Kulawarga OS: | Tipe Unix |
| Kernel type: | Monolitik |
| License: | GNU General Public License lan liyané |
| Katrangan kahanan: | Aktif |
Linux kaanggit seka Minix kang isih sabangsa karo Unix.
Linux dadi kembang lambé ing jagad komputer amarga nganggo Sistem Tinarbuka lan ora mbayar. Sistem iki dikembangaké déning wong-wong kang sengkut ing ndonyaning komputer. Linux bisa digunaaké ing akèh prangkat atos (hardware), wiwit seka komputer kanthi basis 0386 nganti uba rampé èlèktronik cilik kaya déné Personal Digital Assistant (PDA).
Linux dhéwé mlaku ing kernel kang dadi intiné prosès komputer. Ana akèh pamakètan program ing Linux. Perkara ini njalari akèh banget distribusi Linux (distro).
Sajarah
Kernel Linux, pisanané ditulis déning mahasiswa Finlandia, Linus Torvals, seka Helsinki. Dhèwèké kepéngin gawé kernel Minix kang bisa gampang diothak-athik. Minix iku proyèk pangajaran kang kaya sistem UNIX kang gratis. Vèrsi 0.01 diluncurké ing internèt nalika September 1991 ing sawijining milis.Dolanané Torvalds iki banjur éntuk kawigatèn seka sukarélawan ing ndonya. Metuné Linux kagandhèng karo semangat sistem tinarbuka GNU Project kang digawa Richard M. Stalman.
Tux, sawijining Penguin, dadi logo lan maskot Linux. Linux banjur tinulis dadi merek dhagang kang diduwèni Torvalds (SN: 1916230), kang diupakara déning Linux Mark Institute.
Distro
Distro Linux iku sistem pamakètan program-program kang mlaku ing Linux. Manéka warna distro iki digawé diselarasaké karo ancasané kaperluané. Sawetara distro kaya Debian, Redhat, lan SUSE dadi populèr amarga gampang dienggo. Déné Distro kang paling tuwa dhéwé yaiku Slackware. Salah sijiné distro kang dirumat déning wong Indonésia yaiku BlankOn.Sawetara distro Linux kang ana:
0 komentar:
Posting Komentar